CDH Insurance and Finance

Buddsoddiadau ~ Cost Ein Gwasanaethau
Cyn i ni roi cyngor i chi byddwn yn cyflwyno i chi daflen ffeithiau allweddol am “gost ein gwasanaethau”. Nid yw pob cwmni’n codi am gyngor yn yr un ffordd. Byddwn yn trafod gyda chi eich dewisiadau talu ac yn ateb unrhyw gwestiynau. Ni fyddwn yn codi tâl arnoch nes y byddwch wedi cytuno sut y byddwch yn talu i ni. Cynigiwn ddau ddewis i chi: Talu drwy ffi - sef talu ffi i ni am ein cyngor a’n gwasanaethau os byddwch, neu hyd yn oed os na fyddwch, yn prynu unrhyw gynnyrch.
Os byddwn yn derbyn comisiwn hefyd gan ddarparydd y cynnyrch pan brynwch chi’r cynnyrch, byddwn yn trosglwyddo gwerth llawn y comisiwn i chi. Er enghraifft, gallem godi llai o ffi; neu godi llai arnoch am y cynnyrch; neu ychwanegu at y swm a fuddsoddwch; neu dalu’r comisiwn i chi. Talu drwy gomisiwn (neu dâl am gynnyrch) - Os prynwch gynnyrch ariannol byddwn fel arfer yn derbyn comisiwn gan ddarparydd y cynnyrch am werthu’r cynnyrch i chi. Er na fyddwch yn talu dim yn y fan a’r lle nid yw’r gwasanaeth am ddim. Byddwch yn talu i ni’n anuniongyrchol drwy dalu am gynnyrch. Mae’r tâl am gynnyrch yn talu am gostau darparydd y cynnyrch ynghyd ag unrhyw gomisiwn. Mae’r taliadau hyn yn lleihau’r swm sydd ar ôl i’w fuddsoddi. Os prynwch yn uniongyrchol gallai’r tâl am gynnyrch fod yr un fath â phan ydych yn prynu drwy gynghorydd, neu gallai fod yn llai neu’n fwy. Byddwn yn dweud wrthych faint fydd y comisiwn cyn i chi gwblhau’r buddsoddiad ond cewch ofyn am y wybodaeth hon cyn hynny. Cofiwch gysylltu ag un o’r swyddfeydd neu anfon e-bost i ofyn am gopi cyfredol o’r ffeithiau allweddol “am gost ein gwasanaethau”.
Os nad oeddech yn medru dod o hyd i’r wybodaeth yr oeddech yn chwilio amdani cofiwch gysylltu â ni.

Buddsoddiadau ~ Cost Ein Gwasanaethau